Dingdong at Antoinette, posibleng magtambal

ni Roldan Castro

TINANONG kay Dingdong Dantes ang pagbabalik ng ex-girlfriend niyang si Antoinette Taus sa showbiz at nagsasabing gusto siyang makapareha. Ano ang reaksiyon niya tungkol dito?

“Well, para sa akin naman, siyempre, hindi naman maitatanggi na kami ang unang magkapareha so, ang masasabi ko lang diyan, welcome back. Maganda na nagmula rin sa Viva ay nagbabalik, siyempre nagbibigay pugay kung saan talaga nagsimula,” aniya.

Paano kung may offer na pagtambalin sila?

“Siguro pag-usapan natin ‘pag nandiyan na. I’m sure naman hindi malayong mangyari ‘yun dahil maliit lang talaga ang mundo ng showbiz. Pero siyempe, hangga’t wala naman, ayaw ko rin siyang pag-usapan dahil mahirap din naman ang mag-speculate at magkaroon ng ganoong klaseng scenario na hindi pa naman nagagawa,” bulalas pa niya.

Ano ang reaksiyon niya na bina-bash si Antoinette ng fans dahil mula nang dumating hindi siya nawawala sa interview niya, pati na rin si Marian Rivera?

“In the first place, hindi naman maiiwasan ‘yun because kaya nga nagbalik…siyempre mayroon siyang inalisan which is Viva and GMA, siyempre ‘pag nagbaik siya, nararapat din na ma-welcome siya ng maayos. Siguro kaya nagkakaroon ng ganoon dahil ‘yun. Pero to begin with this nothing naman to ano to talk about. Kumbaga, we have our own things to do so I think we have to concentrate on that,” sambit pa niya.

Tsuk!