Text scammer pa kinasuhan ng Globe (Marami pa ang kasunod …)

KAUGNAY sa kanilang pinaigting na kampanya laban sa text spam, isa pang kom-panya ang kinasuhan ng Globe Telecom sa National Telecommunications dahil sa pagpapadala ng unsolicited promotional text messages sa mga mobile customers nito.

Ayon sa Globe, magsasampa pa sila ng katulad na kaso sa mga darating na araw laban sa mga kom-panyang sangkot sa  marketing activities sa pamamagitan ng text spamming.

Ang kinasuhan sa NTC ay ang Center for Global Best Practices (CGBP), isang kompanya na nag-aalok ng iba’t ibang training at seminar courses. Ang CGBP ang ikalawang kompanya na inireklamo ng Globe  sa NTC na ang una ay ang Caritas Health Shield, Inc., a health insurance provider.

Partikular na hiniling ng Globe sa regulatory body na pagbayarin ang CGBP ng kaukulang multa at penalties dahil sa pagpapadala ng nakaiiritang text spam sa Globe subscribers.

Hiniling din ng Globe sa NTC na permanenteng bawalan ang CGBP, ang mga ahente at empleyado na magpadala ng spam texts sa Globe customers. Habang dinidinig ang kaso, sinabi ng Globe na dapat magpalabas ng cease and desist order ang NTC laban sa CGBP.

“The complaint we filed against CGBP should serve as a warning to other companies whose agents send irritating spam messages to our customers. Globe Telecom will not tolerate the use of our network for activities that serve as a nuisance to our subscribers especially if they are unsolicited and unwanted,” diin ni Globe Ge-neral Counsel Froilan Castelo stressed.

Ayon kay Castelo, ang mga nakaiiritang spam messages na ipinadala ng CGBP ay nagdudulot ng ‘inconvenience’ sa Globe customers, dahilan upang magreklamo sila sa customer service department ng kompanya.

Ito ang nag-udyok sa telecommunications provi-der upang idulog ang isyu sa NTC.

Dagdag ni Castelo, ang panawagan ng publiko na sugpuin ang spam messa-ges ay isa nang public inte-rest na nangangailangan ng pag-aksiyon at paggamit ng lahat ng disciplinary powers ng regulatory body.

Maraming subscribers ang nagrereklamo na nakatatanggap sila ng average na lima (5) hanggang sampung (10) text spams kada araw. Ang spam messages ay kadalasang ipinadadala sa pamamagitan ng prepaid numbers dahil hindi sila ma-tutunton at madaling itapon. Hindi rin kailangan  ng mga spammer upang magpadala ng spam messages dahil ang ginagamit nila ay  USB GSM modems at pabago-bago ag kanilang spam number.

Ang lehitimong  text blasts na aprubado ng regulating agency ay hindi nagtataglay ng 11-digit numbers.