HATAW! D'yaryo ng Bayan hatawtabloid.com
PINASOK na ng Viva Recording artist na si Joel Mendoza ang pagma-manage. Nagtayo siya ng talent agency na Life&Soul Productions and Artists Management. Siya ang tumatayong Senior Vice President (SVP) for Business Development and Artists Management. Katulong niya ang Star Horizon Management & Productions ni Ms. Eleonor Pisk na commercial naman ang forte.
Hindi naman na kailangang gawin ni Joel ang mag-alaga ng artista dahil may sarili siyang career pero gusto niyang makatulong sa mga talentadong tao na makagawa ng pangalan sa entertainment world.
Ipinakilala ni Joel ang ilan sa talents niya sa The Crowd Restobar, 2nd floor, Madison Square, Pioneer St., Mandaluyong na sina Julius Concepcion, Kendru Garcia, Ivan Mendoza, at WCOPA champion na si Beverly Caimen.
Si Julius ay dating child star sa pangalang Julijo Pisk. Kilala siya na ‘Commercial Prince’ of the new generation. Naging 3rd runner up sa Star Circle Kid Quest 2010 at nakilala rin sa PLDT Commercial na Anna Banana na naka-4 million hits sa Youtube. Binata na ngayon si Julius na gumanap bilang young Gerald Anderson sa My Girl at saMMK episode na Tourette. Naging young Matteo Guidicelli rin siya sa pelikulangBasted.
Si Kendru naman ay pamangkin ni Joel. Lumaki at nagka-isip sa Saipan. Nagmana siya kay Joel sa larangan ng pagkanta kaya napabilang sa isang boy band sa Saipan. Pang-matinee idol din ang hitsura ni Kendru. Lumabas na siya sa ilang TV shows ng TV5 gaya ng Midnight DJ, Moo Moo and Me, at TV5 Tiger game show. Abala siya ngayon sa workshop para lalong mahasa sa pag-arte.
Si Ivan naman ay isang Lasalista. Hinawakan siya ni Joel dahil Filipino ang hitsura, parang Richard Gomez na moreno at posibleng maging leading man balang araw.
Goodluck sa bagong mundong pinasok ni Joel at sana magtagumpay ang mga talent niya.
