HATAW! D'yaryo ng Bayan hatawtabloid.com
DALAWANG station commander kasama ang dalawang hepe ng PCP ang sinibak sa puwesto ni Manila Police Director (MPD) director, Chief Supt. Rolando Asuncion.
Sa panayam kay Asuncion kahapon, kabilang sa mga tinanggal sa tungkulin sina Supt. Julius Añonuevo ng MPD Station 1 at si Supt. Rolando Opriasa ng MPD Station 10.
Bukod sa dalawa, kasama rin sa sinibak sina Insp. Edward Samonte ng Smokey Mountain PCP at ngayong Miyerkoles,, tatanggalin bilang PCP commander ng Pritil si Insp. Raffy Melencio.
Papalit kay Añonuevo si Supt. Virgilio Villoria habang si Opriasa ay papalitan ni Supt. Luis Francisco.
Nilinaw ni Asuncion na ang pagkatanggal sa puwesto ng mga nasabing police officer ay bunsod ng naganap na paglabag sa kampanya laban sa illegal gambling o ang one strike policy na pinaiiral ng pulisya.
Samantala, sinampahan ng kasong paglabag sa Presidential Decree 1602 ang mga naarestong suspek na sina Victorino Alvaro, 62, ng 1389-B Concha St., Tondo; Pedro Segura, 55, pedicab driver, ng 1149 Madrid St.; Danilo Rugana, 57, pedicab driver, ng 1314 Wagas St.; Rey Badocboc, 34, laborer, ng 309 Mariones St.; at Alex Modrigo, 24, ng 1395-D Sevilla St., naaresto nitong Biyernes dakong 9:45 a.m.
Matatandaang, sinalakay ng mga kagawad ng MPD – GAIS ang bahay ni Simbulan sa 1411-B, Sevilla Ext., kanto ng Concha St., nang ipag-utos ni Asuncion na magsagawa ng operation sa nasabing lugar.
Ani Asuncion, hinihintay pa niya ang report ng MPD-GAIS dahil hanggang ngayon ay wala pang isinusumite sa kanyang.
Aniya, kapag nakapagpasa na ng report ang GAIS ay kanyang pag-aaralan ang insidente.
(lEONARDO basilio)
