HATAW! D'yaryo ng Bayan hatawtabloid.com
GAYA ng nakakaraming ordinaryong Filipino, pikang-pika at inis na inis na sa PDAF issue ang grupong Batchmates. Hindi na nila tuloy malaman kung sino ang nagsasabi ng totoo, kung sino ang dapat paniwalaan at kung sino talaga ang dapat idiin.
“Bilang mamamayan, apektado tayong lahat sa isyu ng PDAF. Imbes na gamitin ang milyong piso para mapaganda ang ating bayan, sa iilang bulsa lang napunta ang pera ng bayan. At napunta ang pera sa mga taong inihalal pa natin, ‘yun ang pinakamasaklap,” bungad ni Aura, isa sa miyembro ng Batchmates.
Pikang-pika na nga raw ang grupo at kung kinakailangang mag-rally sila o sumama sa mga nagra-rally tungkol sa naturang issue ay willing sila.
“Lahat tayo ay dapat makialam sa isyung ito. Wakasan na ang walang tigil na kurapsiyon sa ating bansa. Itigil na ang pagnanakaw sa kaban ng bayan, itigil na ang pagtatatag ng mga bogus na NGO,” sigaw naman ni Cath.
Basta kung kinakailangan ang kanilang boses at ang kanilang presensiya sa isyu ng PDAF ay nakahanda ang Batchmates.
Naku, mukhang palaban na nga ang grupong Batchmates at tulad ng iba pang ordinaryong Pinoy hindi na nila naitatago ang nagpupuyos ng damdamin tungkol sa nakalilitong PDAF issue.
Samantala, out na sa Odyssey at Astro Plus ang self-titled debut album ng Batchmates under LDG and Polyeast Records.
Maraming naka-schedules na shows ang Batchmates. Sa May 30 sa Comikera sa Calamba, Laguna; May 31 Padis , Marikina; June 9 sa Negros Occidental; June 20 sa Anniversary ng Heartbeat Quezon Avenue; June 24 Padis, Alabang at marami pang iba.
