Ramos, Barranda kaskasan sa Toyota Vios Cup

NAGING  kaskasera ang dalawang naggagandahang artista sa ginanap na  2014 Toyota Vios Cup sa Clark International Speedway nitong  Mayo 24 (Sabado).

Hindi lang ang kanilang ganda ang ipinarada  nina actress Rhian Ramos at model-TV host Phoemela Barranda sa opening ng three-leg competition, ipapakita rin nila ang pagiging kaskasera nila sa road laban sa mga kalalakihan.

“Hindi ako nagpapatakbo ng matulin sa EDSA pero sa competition eh umaabot sa 170kph ang bilis.” wika ni Ramos sa naganap na PSA Forum sa Shakey’s Malate noong Martes.

Bukod sa kotse may P150,000 cash ang premyo sa centerpiece kung saan ang mananalo ay maaaring maging pambato sa karera sa Japan o Thailand habang may gantimpala rin sa lalahukan nina Ramos at Barranda.

May tatlo pang kasali sa celebrity-media category.

“We’re finalizing with our counterparts in other Asian countries for the winner of the race to have a chance to drive in the Toyota Vios Cup in other countries maybe later this year,” ani Tuason Racing School manager Billy Billano.

Ayon kay Barranda na siyam na taon nang nakikipagkarera, walang lalaki o babae pagdating sa karera.

“I really like racing. I’ve competed in other celebrity races before because I wanted to show that this sport is not just for the guys,” sambit ni Barranda na namayagpag sa promotional race noong Enero kung saan kasali rin si Ramos. “Once you’re inside the race track, walang babae at walang lalaki na.” (ARABELA PRINCESS DAWA)