Diabetiko nagbaril sa sarili

ISANG 66-anyos lalaking negosyante ang nagbaril sa sarili, dahil hindi kinaya ang hirap na nararamdaman tuwing sasailalim sa dialysis, dahil sa sakit na diabetes.

Nakadapa sa kama ang biktimang si Rodolfo Dulay, 66, nang matagpuan ng kanyang asawang si Yorina Dulay, 52, sa Unit 203 Anson Building, 2808 Rizal Ave-nue, Sta. Cruz, Maynila.

Sa imbestigasyon ni SPO1 Richard Escarlan, ng Manila Police District-Homicide Section, umuwi sa kanilang inuupa-hang unit ang misis ng biktima galing sa kanilang kantina sa Binondo, nang makitang patay ang mister dakong 6:00 p.m.

“Pagkabukas umano ng kanilang bahay, tinawag nong babae ‘yong mister niya pero hindi daw sumasagot kaya pumunta sa master’s bedroom at doon niya nakitang nakadapa ang kanyang mister, nasa tabi ang isang .9-mm na baril,” ani Escarlan.

“Apat na taon nang may sakit na diabetes ang biktima at nagda-dialysis, hinala ng misis hindi na kinaya ang kanyang sakit,” ayon pa kay Escarlan.

Ang bangkay ni Dulay ay dinala na St. Harold Funeral para sa awtopsiya. (leonard basilio)