HATAW! D'yaryo ng Bayan hatawtabloid.com
KINOMPIRMA ng dating head coach ng Alaska Milk na si Joel Banal na patuloy ang pakikipag-usap niya kay Tim Cone para maging bagong assistant coach ng San Mig Super Coffee.
Dalawang bakanteng puwesto bilang mga assistant ang nangyari sa Coffee Mixers pagkatapos na lumipat si Jeffrey Cariaso sa Barangay Ginebra San Miguel bilang bagong head coach kasama si Olsen Racela bilang assistant.
“I already talked to Tim even before Cariaso’s appointment became official and I told him I will be willing to help him out,” wika ni Banal sa website na InterAksyon.com.
Matagal na naging assistant si Banal kay Cone mula pa noong sila’y nasa Alaska pa.
Naging head coach din si Banal para sa Aces at Talk n Text, bukod pa sa paghawak niya sa Ateneo sa UAAP at Mapua sa NCAA.
Wala pang trabaho si Banal mula noong pinalitan siya ni Luigi Trillo bilang coach ng Alaska noong 2012.
”I’m looking forward at a possible PBA comeback. I had a two-year hiatus and I feel I’m already refreshed and ready to help out in coaching,” ani Banal.
Sa ngayon, ang mga assistant coaches na naiwan kay Cone ay sina Richard del Rosario, Johnny Abarrientos at Mon Jose.
(James Ty III)
