HATAW! D'yaryo ng Bayan hatawtabloid.com
Nagsama-sama sina Daniel Horan (kaliwa), Globe Senior Advisor for Consumer Business, Vincent Co (kanan), Puregold Price Club Inc. (PPCI) Marketing Director at iba pang Puregold trade partners sa paglulunsad ng AlingPuring Convention ngayon taon.
PINALAKAS ng Globe Telecom ang suporta sa retail at small and media enterprise (SME) industries sa pamamagitan ng paglahok sa taunang Aling Puring Convention mula Mayo 21-25, 2014 sa World Trade Center na inorganisa ng Puregold.
Ang pagtitipon ng mga miyembro ng Aling Puring ay binubuo ng mga sari-sari store owners, carinderia operators, food resellers at bulk buyers.
Ngayon taon, binigyang-daan ng Globe ang pagkakaroon ng secure at cashless shopping para sa mga miyembro ng Aling Puring gamit ang kanilang flagship mobile commerce service na GCASH sa pamamagitan ng GCASH card.
Sa paggamit ng GCASH card, hindi na kailangan pang magdala ng cash ang mga miyembro ng Aling Puring sa kanilang pamimili, kailangan lamang lagyan ng pondo ang kanilang mga cards sa alinmang GCASH outlet at mag-swipe sa mga designated GCASH terminals sa mismong convention area.
Bukod dito, ipinakilala rin ng GCASH ang Globe Charge, isang innovative solution na ang mobile phones ay maaaring gamitin bilang point-of-sale (POS) card terminals na kayang tumanggap ng debit at credit card payments.
Sa Globe Charge pinagsasama ang abilidad ng smartphone at mobile card reader para maging isang mobile-POS unit, na mas convenient kaysa mga tradisyonal at mahal na card terminals.
Gamit ang pinakaunang mobile phone-based, micro-finance-focused savings bank na BanKO, ino-offer ngayon ng Globe ang kanilang loan program sa mga miyembro ng Aling Puring upang makatulong sa paglago ng kanilang negosyo.
Noong nakaraang Pebrero, nakipagsanib-pwersa ang GCASH sa Puregold para magtayo ng GCASH service outlets sa lahat ng 200 Puregold branches nationwide. Kasama sa mga serbisyong handog ng GCASH ang International at Domestic Remittance (pagpapadala at pagtanggap ng pera), bills payment, POS (point-of-sale) payment at Cash In/Cash Out.
