Chinese businesswoman, anak dinukot sa Basilan

ZAMBOANGA CITY – Patuloy ang pursuit operation ng PNP at militar laban sa mga suspek na responsable sa panibagong insidente ng pagdukot sa Isabela City, lalawigan ng Basilan, na ang mga biktima ay isang negosyanteng Chinese at anak niyang babae.

Batay sa ulat ng Isabela City police station, kinilala ang mag-ina na sina Dina Iraham Lim, 45, at Yahong Tan Lim, 19, may-ari ng Dalby’s Videoke Bar.

Nabatid na pwersahang dinukot ang mag-ina dakong 9:35 p.m. kamakalawa sa Magno Extension, Brgy. Port Area ng 10 armadong lalaki na nakasuot ng camouflage uniform.

Ayon sa mga nakakita sa insidente, itinakas ng mga suspek ang mag-ina sakay ng dalawang pumpboat na kulay asul papunta sa hindi pa malamang direksyon.