Joyce, dumarami ang pelikula

ni VIR GONZALES

MAY bago na namang movie si Joyce Ching, ang Tadhana katambal si Kean Chan. Tila dumarami ang movie ni Joyce na siya ang bida. Ibig sabihin, bankable si Joyce at may tiwala ang mga producer, hindi sila malulugi kapag si Joyce ang bida.

Ang producer ni Joyce sa Tadhana ay si Randy Mendoza na taga- Talavera, Nueva Ecija na magaling sa computer. Tapos siya ng college sa Feati University at bata pa. si Randy din ang producer ng Kamandag ni Venus, tampok si Rajah Montero. Balak din niyang gawin ang pelikulang Selpi na usong-uso ngayon.

Sa pelikulang Tadhana, ipinakita ni Joyce ang natatago niyang acting. Kung sa mga teleserye ay puro ligawan at awayan ang kalimitang role na naibibigay sa kanya, iba naman dito sa Tadhana.

Hindi maramot si Randy sa mga press na nakatutulong sa kanya. Walang umuuwing luhaan, basta rin lang nagpa-imbita siya. Isang civic minded si Randy sa Talavera, Nueva Ecija. Marami siyang nabibigyan ng trabaho sa showbiz sa pamamagitan ng pagpo-produce ng pelikula. Mabuhay ka, Randy Mendoza.