HATAW! D'yaryo ng Bayan hatawtabloid.com
ni Ronnie Carrasco III
RARELY does Mrs. Inday Barretto grant on-camera interviews, pero sa nakaraang episode ng Startalk ay nagpaunlak ang butihing ina nina Gretchen, Marjorie, at Claudine na makapanayam ni Ricky Lo.
Marahil, napatapat kasing Mother’s Day ang episode na ‘yon, so what better way to express such maternal feelings than choosing an important day na inilaan naman talaga para sa mga ina.
Malinaw ang tanging pakiusap ni Mommy Inday kina Gretchen at Marjorie: Stop. At kung ano ang kanilang dapat itigil, ‘yun ay ang patuloy umanong siraan ang kanilang bunsong kapatid na si Claudine.
We will not dare argue with a mother’s opinion, nasa katwiran man ang ina o hindi.
A mother is a mother is a mother.
At kapaniwalaan na sa ating mga Pinoy na kung ano ang ginawa mo sa iyong magulang, asahan mong ‘yun din ang gagawin ng iyong anak.
Dito kami medyo nababahala para kay Gretchen. As a mother, hindi siguro in question ang paraan ng kanyang pagpapalaki sa nag-iisang anak na si Dominique. But what if Dominique—God forbid—turns out exactly like her mother to her mother?
Nakalulungkot na mula nang magkagulo-gulo raw ang mga magkakapatid, dumaan ang mga Pasko, mga kaarawan nila, Mother’s Day, Father’s Day at ilan pang mahahalagang okasyon sa pamilya Barretto, Gretchen and Marjorie have since ceased sending their heartwarming greetings.
Sa tanong kung may pag-asa pa bang maghilom ang mga sugat bunga ng sigalot sa Barretto family, only time can tell.
Sana lang ay lumawig pa ang buhay ng mga magulang ng warring sisters na ito, without having to wait for an unfortunate event para lang magkaayos-ayos sila.
May itinatago raw kasing sulat si Mommy Inday para kina Gretchen at Marjorie na maaari lang daw buksan once she closes her eyes.
And you know exactly what we mean.
