HATAW! D'yaryo ng Bayan hatawtabloid.com
INAASAHANG parurusahan ni PBA Commissioner Chito Salud ang mga manlalarong sangkot sa dalawang hiwalay na suntukang nangyari noong Martes sa dalawang tune-up na laro bilang paghahanda para sa Governors’ Cup na magsisimula sa susunod na linggo.
Unang nagkasuntukan sina Junmar Fajardo ng San Miguel Beer at Jondan Salvador ng Globalport sa laro ng dalawang koponan sa Acropolis Gym sa Libis, Lungsod ng Quezon.
Idinagdag ni Salvador na sadyang sinapak siya ni Arwind Santos ng Beermen sa likod ng kanyang ulo.
Dahil sa nangyari, natigil ang laro na lamang ang Beermen, 97-81, apat na minuto ang natitira.
Sa Meralco Gym naman, siniko ni Danny Ildefonso ng Bolts ang import ng Alaska na si Bill Walker sa huling quarter ng laro ng dalawang koponan.
Itinapon ni Walker ang bola kay Ildefonso kaya biglang nagkagulo.
(James Ty III)
