Nabuntis ng may asawa bebot nag-suicide

MALAMIG nang bangkay nang iahon mula sa ilog ang isang 28-anyos babae kamakalawa makaraan iwanan ng nobyong may asawa na nakabuntis sa kanya sa Plaridel, Bulacan.

Kinilala ang biktimang si Karen Batalla, 28, residente ng Brgy. Bañga 1st, sa bayan ng Plaridel, Bulacan.

Sa ulat ng pulisya, huling nakitang buhay ang biktima na kausap ang isang kaibigang babae at ipinagtapat na siya ay ilang buwan nang buntis dahil sa pakikipagrelasyon sa lala-king may asawa at nasa abroad ngayon.

Nagpahiwatig din ang biktima na magpapakamatay dahil sa kahihiyan ngunit pinayuhan ng kanyang kaibi-gang babae na magpakata-tag at palakihin nang ma-ayos ang kanyang magiging anak.

Ngunit pagkaraan ay natagpuan ang bangkay ng biktima na lumulutang sa bahagi ng Angat River malapit sa kanilang bahay.

Hindi pa rin isinasara ng pulisya ang isinasagawang imbestigayon sa pagpapakamatay ng biktima upang matiyak na hindi ito isang kaso ng foul play.

(DAISY MEDINA)