Alex, itinangging siya ang dahilan ng paghihiwalay nina Sid at Bea

ni  Roldan Castro

NAG-START sa blind item ang napapabalitang pagkakamabutihan nina Sid Lucero at Alessandra de Rossi? Na-develop umano ang isa’t isa habang nagso-shoot ng indie movie nila sa Mauban Quezon.

Sa isang presscon ay tinanong si Alex sa open forum kung every day ba ay happy siya sa piling ni Sid? Pabalang niya itong sinagot na bakit naisingit si Sid sa presscon ng show na ididirehe ni Louie Ignacio?

Kinuha raw siya sa show dahil single siya at may asawa na ang kasama niyang hosts na sina Gladys Reyes, Donita Rose, at Chef Boy Logro.

Kinulit pa rin ng movie press si Alex sa one on one interview. Madiin niyang sinabi na wala siyang lovelife at magkaibigan lang sila ni Sid.

Paiwas pa niyang pahayag. ”Hintayin ninyo na kami ni Chef Boy ang ma-link.”

Sinabi rin niya na may malisyoso at tsismoso sa set ng “Mauban” na hindi alam kung paano sila magturingan ni Sid bilang BFF. ”Palagi lang kaming magkausap kasi, nagkakaintindihan kami. At saka, sobrang tagal na naming magkaibigan,” sey pa niya.

Itinanggi rin ni Alex na siya ang dahilan kaya naghiwalay sina Sid at Bea.

Tsuk!