HATAW! D'yaryo ng Bayan hatawtabloid.com
ni Roldan Castro
ITINANGGI ni Bettina Carlos na siya ang bagong babae ni Raymart Santiago.Hindi raw totoo na siya ang ipinalit ni Raymart kay Claudine Barretto.
Hindi raw siya marunong magluto kaya hindi rin totoo ang isyung lagi niya itong dinadalhan at sweet na sweet sa set.
Si Bettina na raw ang ipinalit ni Raymart kay Claudine. Si Bettina na kahit may 3-year old na anak na ay dalaga pa rin. Magkasama ang dalawa sa isang show ng GMA 7 kaya posible raw na nagkadebelopan ang mga ito.
Natuwa naman kami kay Bettina dahil hindi siya katulad ng ibang artista na ‘pag may pumuputok na isyu, hindi na halos makausap sa mga text o tawag. Sinagot ni Bettina ang tawag namin sa kanya although at first, nagsabi ito na ‘wag na lang daw sagutin at baka humaba lang.
Sabi naman namin sa kanya, mas maganda pa rin kung mabibigyang linaw niya ang isyu sa kanila ni Raymart ngayon.
“Wala naman po kasi talaga. Ang talagang may namumuo po, kina Janice at Felix, pero, sa amin, wala! Ha! Ha! Ha!” sey ni Bettina.
Sila raw kasi ang may love interest sa isa’t isa sa isang show kaya raw siguro sila naiisyu.
Itinanggi rin ni Bettina na madalas niyang ipagluto ng pagkain si Raymart at sweet-sweetan sila sa set.
Wala raw rason na magalit sa kanya si Claudine dahil wala siyang ginagawang masama.
‘Yun na!
