Yasmien, Polycystic kaya ‘di pa puwedeng sundan si Ayesha

ni  John Fontanilla

KAHIT malaki na ang baby girl ni Yasmien Kurdi na si Ayesha Zara Kurdi Soldevilla ay wala pa raw itong balak sundan dahil na rin sa Polycystic siya at mahihirapang mabuntis.

Tsika ni Yasmien, “Hindi, wala pa, una sa lahat Polycystic ako hindi pa siya nati-treat, so mahirap ako magka-baby.

“And then pangalawa hindi pa rin kaya, medyo malaki na siya pero mahirap pa rin.

“Like ‘yung gastos and everything gusto ko munang mag-focus kay Ayesha.

“And hindi naman ako nagmamadali kasi ang bata ko pa, I`m only 24 and alam mo ‘yan hanggang 35 years old pa ito, ha ha ha puwede pa.

“If ever naman kasi ang gusto ko dalawa lang and then were done tapos na, mas maganda kasi ‘yung dalawa lang mas nabibigyan mo ng oras at mas magandang future kasi dalawa lang sila.

“Maganda sana yung magiging 2nd baby ko boy para may boy ako at girl, pero if girl pa rin let see what will happen ha ha ha.

“At saka sa hirap ng buhay ngayon kailangan practical ka, mahirap ‘yung anak ng anak tapos hindi masusuportahan kawawa naman ‘yung mga bata,” mahabang tsika ni Yasmien.