Salvage victim itinapon sa kanal

NAKATALING parang baboy, nakabusal ang bibig at balot ng duct tape ang mukha nang matagpuan ang isang hindi nakilalang biktima ng salvage, sa Malabon city, iniulat kahapon ng madaling araw.

Tinatayang nasa 30-35-anyos ang bangkay, may taas na 5’1”, may tattoo sa dibdib, nakasuot ng  itim na t-shirt at cargo pants, na-tagpuan sa  kanal sa Guava Road, Brgy. Potrero  ng nasabing lungsod.

Dalawang hindi nakilalang suspek na sakay ng hindi naplakahang AUV   ang nakitang nagtapon sa na-sabing bangkay sa lugar.

Sa ulat ni SPO1 Edsel dela Paz, may hawak ng kaso, dakong 1:15 a.m. nang makarinig ng putok ng baril ang mga residente sa lugar.

Nang usisain ng mga residente,  kanilang nakita ang biktima  na may tama ng bala ng baril sa kaliwang te-nga na tumagos sa ulo na agad nila ipinaalam sa mga awtoridad.

Dinala ang bangkay sa Oak  Leaf Funeral parlor para sa awtopsiya at safekeeping. (rommel sales)