Roanne ng Miss Philippines Earth, kakabugin si Maja sa pagsasayaw!

ni  ROLDAN CASTRO

IDOL ni Roanne Refrea, Ms. Cabuyao ng Miss Philippines Earth 2014 candidate ang datingMiss Philippines Earth runner-up, TV reporter at host  ng ABS-CBN 2 na si Ginger Cornejo. Kung papasukin man ni Roanne ang showbiz pagkatapos ng Miss Earth ay gusto niyang tularan ang takbo ng career ni Ginger.

Mukhang malakas ang kaway ng showbiz kay Ms. Cabuyao dahil darling ito ng mga press. Talented din dahil sa official Facebook Account ng Ms. Earth 2014, si Roanne ang nakita naming nanalo ng gold sa Dancing Category sa MPE2014 Talent Night Competition.

May itatatapat na sa Dance Floor Princess na si Maja Salvador sa Kapamilya Network ‘pag pinasok niya ang showbiz, huh!

Edukada rin si Ms. Cabuyao dahil nagtapos siya ng Business Management sa San Beda College. Kumuha rin siya ng BS Human Resources Management sa De La Salle-College of St. Benilde. Naging Account Specialist din siya sa One Mega Group Inc. (Mega Publishing Group).

Produkto rin ng John Robert Powers si Roanne noong 2007 na malaking influence sa kanyang personality development.

Makamit kaya ni Ms. Cabuyao ang title sa Miss Earth Philippines? Malalaman natin sa coronation night sa May 11 sa Mall of Asia at mapapanood sa ABS-CBN 2.

Anyway, suportahan si Roanne sa pagboto sa kanya sa http://www.missphilippines-earth.com. Click like her photo then be sure to click CONFIRM to make your vote counted.