HATAW! D'yaryo ng Bayan hatawtabloid.com
INIHAYAG ni Sen. Miriam Defensor-Santiago, malaki ang posibilidad na hindi siya uupo sa International Criminal Court.
Ito ang naging sagot ng senadora nang tanungin tungkol sa kanyang appointment sa ICC sa media briefing sa UP-Cebu kamakalawa.
Ayon kay Santiago, gusto lamang niya maging “polite” sa international tribunal kaya hindi siya nagbigay ng kompromiso.
Iginiit ni Sen. Miriam, hadlang sa pag-upo niya sa ICC ang kondisyon ng kanyang kalusugan.
Gusto ng senadora na palitan na lang siya dahil simula 2011 pa ang kanyang appointment sa International Criminal Court.
Maalala na napili si Santiago ng ICC dahil sa kanyang kakayahan sa pag-uusig at siya ay dating RTC Judge.
(CYNTHIA MARTIN)
