HATAW! D'yaryo ng Bayan hatawtabloid.com
HIHIRIT ng extension ang kampo ni Janet Lim-Napoles para manatili pa rin sa Ospital ng Makati kahit maayos na ang kalagayan makaraan ang matagumpay na operasyon.
Ayon sa legal counsel ni Napoles, nakatakda silang maghain ng kahilingan sa Makati City Regional Trial Court (RTC) para palawigin pa ang hospitalization ng kanilang kliyente.
Giit ng kampo ni Napoles, dumaan sa major operation ang pasyente kaya dapat bigyan ng panahon para gumaling bago ibalik sa Fort Sto. Domingo, Sta. Rosa, Laguna.
Ngunit para sa prosekusyon, 26 araw lang ang inilaang panahon para sa surgery ng binansagang pork barrel fund scam queen at ito ay nagtapos na noong weekend.
Gayonman, kung mapatutunayan anilang kailangan pa ang naturang extension ay ipauubaya na lamang nila ito sa Makati RTC.
