Alex, ayaw makasama ni Toni sa PBB

Ikinagulat naman ni Toni  ang pagiging host ng kapatid niyang si Alex sa PBB. Last minute raw niya nalaman. Noong pictorial ay tinanong niya talaga ang Mommy Pinty nila kung bakit kinuha ito saPBB? Ano ang gagawin niya? Kung siya ang masusunod, ayaw niyang kasama si Alex sa PBB. Kung maaga raw niya nalaman ay haharangin niya. Nararamdaman ng Home Sweetie Home star na baka magkaroon ng twist.

Nagbibiruan pa nga raw silang magkapatid na si Alex na ang papalit sa trono niya oras na mag-asawa ito.

“Pero sa Uber lang ako, ‘wag kang ma-threaten. Blood is thicker than water. Bibigyan kita ng panahon para mag-shine,” pagbibiro ni Alex kay Toni sabay tawanan.

Sinabi rin ni Toni na ayaw niyang maging housemate si Alex. Baka kasi biglang ipasok ni Kuya si Alex sa kanyang bahay lalo’t first time itong makakasama sa mga host.

“Baka kasi lumabas ‘yung ugali niya, eh! Maingay, rowdy. Tingnan mo ‘yan pinag-aral mo sa International School pero parang hindi nag-aral sa international. Baka ikasira ng pamilya namin ito. Huwag  na! Galingan na niya  mabuting tao,” deklara pa ni Toni.

ni  ROLDAN CASTRO