HATAW! D'yaryo ng Bayan hatawtabloid.com
BACOLOD CITY – Patuloy ang imbestigasyon ng Scene of the Crime Operatives kaugnay sa pagkamatay ng pulis na kasapi ng Sipalay City Police Station sa lalawigan ng Negros Occidental.
Ayon kay Supt. Noel Manaay, hepe ng Sipalay City PNP, ito ay upang matukoy kung accidental fi-ring talaga ang dahilan ng pagkamatay ni PO2 Jury Ayo, 36, residente ng Brgy. Canturay, Sipalay City.
Si Ayo, nakatalaga bilang Police Community Relations Officer ng Sipalay City PNP, ay idineklarang dead on arrival sa Sipalay Emergency Clinic makaraan aksidenteng mabaril ang sarili.
Batay sa inisyal na im-bestigasyon, naglilinis ang biktima ng kanyang service firearm dakong 7:30 a.m. kamakalawa nang maganap ang insidente sa loob ng kanilang barracks sa likuran ng police station.
Tinamaan ang biktima ng bala ng 9mm Glock pistol sa kanyang bibig na tumagos sa kanyang ulo.
(BETH JULIAN)
