Pag-aasawa, ‘di biggest goal para kay Toni

ni Roldan Castro

BINIBIRO si Toni Gonzaga kung ang Pinoy Big Brother All In ba ang huling season na makikita siyang dalaga dahil mag-aasawa na siya? Paano kung maganap ang ang marriage proposal ni Direk Paul Soriano sa mismong PBB house?

“Ginawang housemate si Paul? Huwag naman! Huwag sa bahay. Sa dressing room! Sa dressing room daw, o!,” pagsakay niyang sagot.

Hindi naman daw niya nira-rush dahil nasa kalendaryo pa  naman siya.

“’Pag wala na ako sa kalendaryo. Parang kakabahan na ako roon. Ngayon kasi I’m just really happy with opportunities. I’m happy for Bianca. This is her year, this is her moment, let’s give it to her.”

Magpapakasal daw siya in God’s will at God’s timing. Na-realize daw niya sa industriyang ito na timing is always perfect.

Wala ba siyang inggit factor kay Bianca Gonzales na naganap sa airport ang marriage proposal ng boyfriend nitong si JC Intal?

“Hindi…hindi…Walang inggit factor. Hindi naman kasi ako ‘yung, bata pa lang, ang biggest dream na is to get engaged, to be married. Kasi, alam ko talaga na ang babae, darating talaga  sa panahon na mag-se-settle down, magpapakasal. So, hindi talaga siya ‘yung biggest goal ko.I know that one day, I will be a mom, I will be a wife. Not yet now siguro,”  deklara niya.

Anyway, wala ring alam si Toni kung sino-sino ang papasok sa bagong edition ng Pinoy Big Brother All In na nagsimulang umere  kahapon (Abril 27). Ever since, sa mismong pagbubukas ng bahay ni Kuya  rin nila nalalaman kung sino-sino ang mga housemate.