Ikinakasal sa GF sa panaginip

Dear senor,

Napanagnipan ko po n ikakasal na kme ng gf ko ano po ba ang ibig sabihn non sir siñor slmat po hataw dont publish my # im xyrus 09

To Xyrus 09,

Ang panaginip ukol sa kasal ay maaaring nagsasaad ng hinggil sa commitment, harmony o transitions. Ito ay nagpapakita rin na ikaw ay sumasailalim (o sasailalim) sa isang mahalagang kabanata sa iyong buhay. Ang panaginip mo ay posibleng nagsasabi rin ng pagsasama ng mga aspeto ng iyong pagkatao na noon ay magkakasalungat. Tignan ang mga katangian ng taong napanaginipan mong iyong pakakasalan dahil maaaring kailanganin mong isama sa iyong pagkatao ang mga karakteristik na ito.

Ang panaginip mo ay maaaring nagbabadya rin ng paparating na kaligayahan na mararanasan tulad ng sa isang maayos at buong pamilya, na siya namang inaaasam ng lahat. Subalit depende rin  iyon kung tunay at busilak talaga ang damdamin ninyo para sa isa’t isa ng magiging asawa mo, eventually. Posible rin na nasa iyong subconscious ang pagnanasang makasal na kayo ng GF mo very soon o naiinip ka nang maging misis mo siya, kaya naging ganito ang tema ng panaginip mo. Wala namang masama kung talagang nagmamahalan kayo, ang mahalaga lang-bukod sa dapat na sigurado kayo sa inyong mga nararamdaman, dapat din na handa na kayo financially at emotionally sa pagbuo ng sarili ninyong pamilya. Good luck sa inyo and God bless.

Señor H.