HATAW! D'yaryo ng Bayan hatawtabloid.com
ARESTADO sa buy-bust operation ang tatlo kataona nakompiskahan ng 65 piraso plastic sachet ng shabu, iba’t ibang uri ng bala at isang bala ng 50 ka-libreng barilsa Marikina City.
Kinilala ni Supt. Vincent Calanoga ang mga nadakip na sina Ian Lawrence Merdedia, 18; Amino Malaatao Abdul, 26; at Amila Afuan, 30; mga tubong Marawi City at nakatira sa Blk-45 Mais St., Brgy., Tumana, ng lungsod.
Sa ulat ni S/Insp. Glenn Aculana, ng Station-Anti-Illegal Drugs, Special Operation Task Group (SAIDSOTG), dakong 9:30 a.m. nagsagawa ng ope-rasyon laban sa mga suspek at nagpanggap na adik ang isa sa mga tauhan sa Blk. 45 Mais St., Tumana.
Aktong iniaabot ng isa sa mga suspek ang shabu na nagkakahalaga ng P2,000 nang naglabasan ang mga operatiba saka mabilis na hinuli ang mga suspek.
Nasamsam sa kanilang pag-iingat ang 65 piraso ng plastic sachet ng shabu na tinatayang may street value na P.5 milyon.
Nakuha rin sa mga suspek ang isang kal. 45 baril, mga bala ng cal.22, cal. 38, 9mm at isang bala ng 50-kaliber.
Sasampahan ang mga suspek ng paglabag sa Sect. 12 at 15 ng Republic Act 9165 at Republic Act 10591 (Illegal Possession of Firearms and Ammunitions). (ED MORENO)
