Kalinga mayor binoga sa asong nasagasaan

SUGATAN ang isang municipal mayor makaraan barilin ng may-ari ng aso na nasagasaan ng kanyang sasakyan kamakalawa ng gabi, ayon sa ulat ng Kalinga Police.

Si Mayor James Edduba ng Pasil, Kalinga, ay binaril ng hindi nakilalang suspek sa Sitio Pinagan, Brgy. Lucog, Tabuk, City.

Isinugod si Edduba sa pagamutan at ngayon ay stable na ang kalagayan.

Ayon sa pulisya, maaaring nagalit ang may-ari ng aso kay Edduba makaraan masagasaan ng alkalde ang alagang hayop.

“Initial investigation by Kalinga police reveals that the Mayor and company were on board a Ford Pick Up Truck going towards Tabuk City when they accidentally hit a dog at the side of the road (which then) prompted the suspect to shoot the victim,” pahayag ni Senior Supt. Victor Wanchakan, Provincial Director ng Kalinga Police Provincial Office.

Kasalukuyan nang ina-alam ng pulisya ang pagkakakilanlan ng suspek.

ni BETH JULIAN