Ilong ni Kim, ‘di kamatis para mapisak agad-agad

ni  Ed de Leon

SOBRA naman iyong balita. Hindi naman totoong napisak ang ilong si Kim Chiu nang aksidenteng masubasob siya sa loob ng kanyang sasakyan nang biglang mag-break ang kanyang driver. Sobra naman iyong kuwentong pisak ang ilong, ano ba ang akala ninyo sa ilong ni Kim, kamatis?

Anyway, hindi naman daw malala ang nangyari, kaya pinalabas din siya ng doctor sa ospital at nagtuloy pa rin siya sa kanyang taping kahit na masakit at namamaga ng kaunti ang ilong.

Aba dapat pinag-iingatan nila ang kanilang ilong, dahil puhunan din nila iyan sa trabaho nila. Kailangan maganda ang ilong, at mahirap basta ganyang nababangga iyan. Huwag na ninyong itanong kung bakit.