Heart at Carla, kahanga-hanga ang flawless na pag-i-Ingles

ni  Ronnie Carrasco III

HANGANG-HANGA ang mga Inglisero naming kaibigan sa natutukan nilang interview ni Heart Evangelista sa Startalk (April 13) kay Carla Abellana.

In her segment Heart of the Matter, ang episode na ‘yon ay naka-focus on what “mattered” to the “heart” of Carla na umaming break na nga sila ng kanyang long-time boyfriend na si Geoff Eigenmann.

But more than Carla’s confession, our Ingliserong friends particularly took note kung gaano kahusay ang dalawang hitad sa wikang banyaga.

Heart may have been fed with questions written on the board, pero as always ay mayroon siyang sariling input o adlib. Napaka-spontaneous din ni Carla, na sa kabila ng kanyang madamdaming rebelasyon ay flawless ang kanyang pag-i-Ingles.

Truth is, bukod kina Heart at Carla sa hanay ng mga Kapuso star ay isa rin si Bela Padilla sa mga matatas pagdating sa pagsasalita ng wikang Ingles. Sayang nga lang at nasa TV5 na si Bianca King, she, too, is just as fluent.

Katuwaan tuloy ng aming mga kaibigang Inglisero: sino-sino raw ba sa mga artistang babae sa ABS-CBN ang puwedeng ipantapat kina Heart, Carla, at Bela sa departamentong ito?

Anne Curtis? Check. Julia Barretto? Check. But both are much younger. As we write now, wala na kaming iba pang maisip.

Lest we be accused na ang pamantayan namin sa pagiging matalino ay sa pamamagitan lang ng pag-i-Ingles, hindi ito ang sukatan.

But let’s face it, isang napakalaking bentahe ang pagsasalita ng itinuturing nating ikalawang lengguwahe. As if naman na kapag nag-a-apply ka ng anumang trabaho ay Tagalog ang karaniwang itinatanong sa aplikante ng kinatawan ng departamentong human resources o personnel.

Na karaniwang nagtapos ng kursong (Industrial) Psychology.