Air21, Blackwater sasabak sa Dubai

KINOMPIRMA ni Air21 head coach Franz Pumaren kahapon na lalaro ang kanyang koponan sa 2014 Dubai Invitationals na gagawin mula Agosto 20 hanggang 27 sa Dubai, United Arab Emirates.

Makakalaban ng Express ang iba pang mga club teams mula sa Malaysia, China, South Korea, Japan, Lebanon at India.

“This will be an integral part of our preparation (for next season). We know the caliber of teams from Asia, so it will be a good test for us as we can look forward to better campaign in PBA’s 40th season,” wika ni Pumaren.

Bukod sa Air21,  kasali rin sa torneo sa Dubai ang Blackwater Sports na inaasahang gagamitin ang torneo bilang paghahanda sa una nilang pagsabak sa bagong PBA season na magbubukas sa Oktubre.

“Syempre two important reasons, proper training for our players, as you all know, papasok na kami sa PBA. And number two which is most important: that is to give back to our kababayans there,” ani Blackwater team owner Dioceldo Sy.

“We should find ways rin to make our ‘bagong bayani’ happy kasi alam natin ang contributions nila sa ating economy. Malaking bagay rin siyempre na mabigyan natin sila ng kasiyahan.”

(James Ty III)