HATAW! D'yaryo ng Bayan hatawtabloid.com
ni Roldan Castro
MIKE Magat is back with a vengeance. Balik-bida siya sa pelikulang Full Moon.
Masaya at nagpapasalamat si Mike dahil may producer na nagtiwala ulit sa kanya para maging lead sa horror-suspense movie na Full Moon.
Naging bidang actor siya noon sa Babae sa Bubungang Lata, Nights of Serafina atbp..
Second horror movie niya ang Full Moon dahil nakasama siya sa Manananggal in Manila ng Regal Films. Kung dati ay pulis ang role niya, ngayon katatakutan siya dahil isa siyang taong lobo.
Marami ring pinagdaanan ang showbiz career ni Mike pero nananatili siyang matatag.
Ang talented na kagaya niya ay nandiyan pa rin kahit nawala na ang mga kasabayan niya.
Mukhang taon niya ngayong 2014 dahil bongga ang pagbabalik niya. Bukod sa Full Moon ay nakipagsapalaran din siya sa pagiging co-producer sa pelikulang Mga Batang Hamog.
“Gusto ko ring tulungan ang mga kasamahan ko sa industriya na mabigyan ng work kaya sinubukan ko ring mag-produce,” bulalas niya.
Kasama ni Mike ang dalawang Kapuso young stars sa Full Moon. Kumusta naman katrabaho ang mga bagets na ito?
“Mababait naman, marespeto at mga professional,” aniya.
Nasaktan pala ni Mike si Derrick Monasterio sa kanilang fight scene dahil mahahaba ang kanyang kuko bilang wolf pero hindi nagreklamo si Derrick. Itinuloy pa rin niya ang eksena.
“Roon ko nakita ang pagiging professional ng batang ‘yan,” sambit pa ni Mike.
Labis ang paghanga ni Mike kina Derrick at Barbie Fortesa dahil hindi naging pasaway sa set.
Anyway, may advance screening ang Full Moon sa April 29, 7:00 p.m. sa Fisher Mall Cinema at sa APRIL 30, 4:00 p.m., at 6:00 p.m. sa Ever Gotesco Commonwealth. Ang regular showing nito ay sa May 7 sa lahat ng SM CINEMAS. Tampok din dito sina Ricardo Cepeda, Eric Fructuoso, Selina Sevilla, Kate Foster. Ito ay sa direksiyon ni Dante Pangilinan under Lovely Nell Entertainment.
