HATAW! D'yaryo ng Bayan hatawtabloid.com
KABILANG ang Filipino-American doctor sa tatlong namatay sa pag-atake sa isang hospital sa Kabul, Afghanistan.
Ayon sa Philippine Embassy sa Washington D.C., kinilala ang doktor na si Dr. Jerry Umanos, isang Filipino-American pediatrician mula Chicago.
Agad na nagpaabot ng pakikiramay ang embahada sa pamilya ni Dr. Umanos.
“Our condolences to the family of Dr. Jerry Umanos, the Filipino-American pediatrician from Chicago who was killed in Kabul on Thursday,” pahayag ng Philippine Embassy sa Washington.
Kinompirma ni Afghanistan Health Minister Suriya Dalil, pulis ang suspek sa pag-atake at walang habas na nagpaputok ng baril sa loob ng Cure Hospital.
Sinabi pa ni Dalil, nasa hospital gate si Umanos at binabati ang dalawang bisitang Amerikano nang magpaulan ng bala ang suspek.
Kabilang din ang mag-ama sa mga namatay sa nasabing pag-amok ng pulis na suspek.
(KARLA OROZCO)
