Kris, iginiit kay Kim na ipakita ang X-Ray ng ilong (Para patunayang ‘di totoong nagparetoke)

Alex Brosas

 

NAAKSIDENTE si Kim Chiu recently at todo kuwento si Kris Aquino kung ano ang nangyari.

“Ka-text ko siya Boy,” Kris told her evening show co-host Wednesday.

“I was making her kumusta and she said actually nakahiga siya roon sa…bale if that’s the car, if that’s the van, there’s one row of the driver and the front passenger seat and they’re ‘di ba two seats there and then the back coach can be a bed. Nandoon siya, nakahiga,” chika pa ni Kris.

“So noong nagpreno ‘yung driver avoiding, sorry I don’t remember if it was the jeepney or tricycle that the driver was avoiding, (ay) tumilapon siya. And the seat in front bakal ang likod, doon siya tumama.”

Natakot daw si Kim, as per Kris’ account, “because she heard a crack” sa kanyang ilong.

“Pero noong in-X-ray naman daw hindi naman daw na-fracture ‘yung ilong pero grabe raw ‘yung pagdaloy ng dugo,” Kris narrated.

Para patunayang nagsasabi siya ng totoo, binasa pa ni Kris ang text message sa kanya ni Kim.

“‘Yes, ate, natutulog ako sa back tapos nag-brake bigla ‘yung driver kasi may tumawid na jeepney. Tapos tumama ‘yung nose ko sa bakal, ‘yung support sa table sa likod. Wala kasi ‘yung table roon noong time na ‘yon.

“Dumiretso ‘yung nose ko ‘pag-brake sa bakal. Tapos nag-bleed, super. Tapos nakarinig ako ng crack kaya ayon natakot na ‘ko.’”

Aware si Kris na mayroong chismis na nagparetoke ng ilong si Kim kaya naman pinayuhan niya ito.

“Kimmy kung ako ikaw ilabas mo na ‘yung x-ray na ginawa sa ‘yo para at least once and for all matigil lahat ng chismis na niretoke ang ilong mo because sa x-ray lalabas. Sabi niya, ‘tama, ate.’”