Kapamilya Network, ‘di na interesado kay Diether?

ni  Rommel Placente

WALA pang bagong serye si Diether Ocampo sa ABS-CBN 2. Ang huling serye na nagawa niya rito ay ‘yung Apoy Sa Dagat na noong nakaraang taon pa namaalam sa ere.

Mukhang hindi na interesado ang Kapamilya Network kay Diet, huh!

Noon kasi ay sunod-sunod at hindi siya nawawalan ng show sa Dos pero ngayon nga ay wala siyang project dito.

Natatandaan namin na noong bakante sa show si Diet sa Dos ay nag-decide siyang lumipat sa GMA 7. Hindi lang ‘yun natuloy dahil hinabol siya ng Dos at agad na binigyan ng show, ‘yung Apoy Sa Dagat.

Ngayong bakante na naman ulit sa show si Diet sa Dos, baka maisipan niya ulit lumipat sa ibang estasyon.

Pero ang tanong, kung gagawin niya ‘yun, habulin pa kaya siya ng Dos? Sa tingin namin ay hindi na.