Ex-chairman arestado sa Black Saturday tupada

ISANG  ex-barangay chairman ng Tondo,  ang dinakip ng mga elemento ng Manila Police District (MPD) habang nagsasagawa ng tupada nitong Sabado de Gloria  sa Tondo, Maynila.

Kinilala ang mga suspek na sina ex-barangay chair Randy Sy y Alejandro, 51-anyos, may-asawa, ng 504 Pitong Gatang st., Tondo, at apat niyang tauhan na sina Leonardo Medina, 39-anyos, binata, ng # 2 Lallana  corner Lacson Streets, Tondo, Danilo Altarejos, 31, ng 107 Ana Bustamante st., 2nd Avenue , Caloocan City (sentenciador) ,Joselito Cabrera y Lorilla, 40, ng 297 Tambacan st., Maypajo, at Rogelio Tagama, 41, binata, pedicab driver, ng 517 D. Pacheco st., Tondo.

Ayon kay P/Chief Inspector Randy M. Maluyoi, hepe ng District Police Intelligence Operation Unit (MPD-DPIOU),  nadakip nila sa compound ng Pitong Gatang st., Tondo, ang mga suspek at nakompiska ang P1,000 taya sa nasabing tupada.

(leonard basilio)