HATAW! D'yaryo ng Bayan hatawtabloid.com
SUMALO sa unahan si Pinoy GM Oliver Barbosa matapos makipaghatian ng puntos kay super GM Francisco Pons Vallejo sa ninth at final round sa katatapos na 14th Bangkok Chess Club Open 2014 sa Thailand.
Nagtala sina No. 4 seed Barbosa (elo 2580) at top seed Vallejo (elo 2693) ng Spain ng parehong 7.5 puntos matapos ang kanilang 17 moves ng Slav sa last round.
Subalit tinanghal na kampeon si Vallejo at second placer si Barbosa matapos ipatupad ang tie-break sa event na may nine rounds swiss system.
Nitong nakaraang buwan ay tumaas ang elo rating ni Barbosa matapos magkampeon sa 19th International Open Grandmaster Chess Tournament.
Nabingwit naman ni GM John Paul Gomez ang pang-anim na puwesto tangan ang 6.5 points matapos makipaghatian ng puntos kay GM Marat Dzhumaev (elo 2496) ng Uzbekistan.
Umabot sa 29 sulungan ng Sicilian ang laban nina Gomez at Dzhumaev.
