HATAW! D'yaryo ng Bayan hatawtabloid.com
PATAY na nang matagpuan ang 23-anyos janitor na nagbigti sa loob ng kanilang banyo, sa Caloocan City kamakalawa ng tanghali.
Kinilala ang biktimang si Johnson Ceilo, 23, janitor, ng #743 Barrio Concepcion Dulo, Brgy. 188 ng nasabing lungsod.
Sa ulat ni PO3 Renen Malonzo, may hawak ng kaso, dakong 12:00 p.m. nang matagpuan ang naka-bigting katawan ng biktima sa loob ng banyo sa kanilang bahay.
Salaysay ng ina ng biktima, si Gng. Celina Cielo, 57, huli niyang nakitang buhay ang kanyang anak noong umaga bago siya nagpunta sa palengke.
Pagdating umano niya sa bahay, hinanap niya ang kanyang anak hanggang ituro ng isang kasama sa bahay na pumasok sa banyo at hindi pa lumalabas dahilan upang katukin ang pinto ng banyo pero walang sumasagot.
Dito na puwersahang binuksan ang pinto ng banyo at nakita ang nakabigti na katawan ng biktima gamit ang wire na nakapulupot sa kanyang leeg.
Isinugod sa Dr. Jose N. Rodriguez Memorial Hospital ang biktima pero hindi nai-salba ng mga doktor.
Nabatid na nauna nang nagpakamatay ang kuya ng biktima noong isang taon at nitong Marso ay lumaklak din ng lason ang kanyang ate.
(rommel sales)
