HATAW! D'yaryo ng Bayan hatawtabloid.com
ni Roldan Castro
NASA bakasyon mode na ang mga taga-showbiz dahil sa Holy Week kaya naman bawat makatsikahan namin sa taping ng Banana Split: Extra Scoop ay tinatanong namin kung saan sila ngayong Mahal na Araw.
Ayon kay Zanjoe Marudo, pupunta sila ng Ilocos ni Bea Alonzo.
“Buong Ilocos ay iikutin namin. Laoag, Vigan , Pagudpud, Bangui Windmills” sey ni Z.
Silang dalawa lang ni Bea?
“Marami kami. Nasa 20 kami. Mga pamangkin, mga magulang, pinsan. Parehong family namin. Kasi ‘yung tatay ko,umuwi galing States. Tapos, ngayon ko lang mailalabas ang mga pamangkin ko sa beach,” aniya.
Mga 3 to four days daw sila kasi sa Monday ay may trabaho na raw siya.
Rati raw sa abroad sila nagkakasama ni Bea ‘pag Holy Week dahil may Star Magic tour. Last year daw ay hindi na sila nakasama kaya two years nang sarili nila ang lakad. Tatlong taon na ang relasyon nila at hindi rin sila napi-pressure kung kailan talaga pakakasal.
Sa Bicol naman pupunta ang Moon of Desire star na si Meg Imperial. Inurirat tuloy namin siya na taga-Bicol ba ang boyfriend niya dahil madalas siyang magbakasyon doon? Anak ba ng dating Governador ang syota niya, ‘yung nagkagusto kay Sarah Geronimo?
“Sino? Wala akong dyowa,” tumatawa niyang sagot.
“Taga-Bicol talaga ako. Imperial. Naga si Mama, Taga-Legazpi, Albay si Papa.Solid,” sambit pa niya.
“Pero kung mayroon man…sana,” tumatawa na naman niyang sabi na parang mayroon talagang itinatagong bf.
“Talagang uuwi lang talaga kami. Nagpapabasa kami every year. Sa Naga kami uuwi tapos magmi-Misibis siguro kami ,” aniya pa.
Sa pakikipanayam namin kay Meg hindi man diretsahan pero parang may pumoporma rin sa kanya sa mga leading men niya sa Moon of Desire. Walang girlfriend ngayon si JC De Vera, nagpaparamdam ba siya?
“Si JC? Ewan ko. Hindi naman. Close kami, ganoon?,” saad niya.
Parang naa-attract siya kay JC?
“Hindi naman. Okey lang, siyempre love team ko siya. So, mayroon namang ano. At least kailangan din mayroon kaming attraction bilang magka-love team. Personality wise, okey naman siya, gentleman,” sey pa niya.
Tinanong din namin si Ryan Bang kung saan siya ngayong Holy Week?
“Wala po. Nandito lang po siguro ako sa Philippines. Sa bahay lang siguro. Nag-iipon muna ako,” tugon niya.
Bakit kailangan niyang mag-ipon?
“Kasi, hindi pa tapos ang BIR ko, eh! Two years na bawas suweldo ko, kalahati. Simula nang nagkaisyu hanggang ngayon. Nangutang kasi ako sa ABS, buti nga sila nagbayad po, bawas na lang sa suweldo kaya ipon muna.
“Gusto ko sana pumunta ng Korea pero next year na lang. Papuntahin ko na lang family ko rito. Mga June siguro, manood sila ‘It’s Showtime’,” sey ni Ryan.
Last Holy week ay nasa Hongkong daw siya kasama si Vhong Navarro.
