HATAW! D'yaryo ng Bayan hatawtabloid.com
KRITIKAL ang kalagayan sa pagamutan ng 32-anyos pedicab driver makaraang pagsasaksakin ng kanyang nakapustahan sa labanang Pacquiao- Bradley kamakalawa ng hapon, sa Navotas City.
Inoobserbahan sa Tondo General Hospital (TGH) ang biktimang kinilalang si Jonathan Parcia, 32, residente ng Phase 1-B, North Bay Boulevard South (NBBS) ng nasabing lungsod, sanhi ng mga saksak sa iba’tibang bahagi ng katawan.
Agad naaresto ang suspek na si Erlybris dela Cruz, 31, ng Phase 2, Tumana St., Brgy. North Bay Boulevard South (NBBS) na nahaharap sa kasong frustrated murder.
Nabatid, nagkapustahan ang biktima at suspek sa halagang P50 kung mapapabagsak ni Pacman si Bradley sa kahit anong round pero dahil hindi nangyari at kahit nanalo si Pacquiao ay ayaw ring magbayad si Parcia.
Dito nagalit ang suspek at walang sabi-sabing pinagsasaksak ang biktima na tinamaan sa iba’t ibang parte ng katawan.
(rommel sales)
