Kasalang Isabel Oli at John Prats, proposal at date na lang ang kulang

ni  Roldan Castro

PANGALAWANG taon na ang pagsasama nina Isabel Oli at ng actor ng Banana Split na si John Prats ngayong Holy Week. Gaya last year, sa Batangas daw sila pumunta.

Mauuwi na ba sa kasalan ngayong taon ang pag-iibigan nila? Hindi ba sila napi-pressure na ilang beses nang napabalita na nag-propose si John?

“Ay hindi. Actually, sumi-segue  kami sa planning ‘pag nagku-kuwentuhan. Parang dapat ganito ‘yung wedding natin, ganito lang kasimple, ganoon,” bulalas niya nang makatsikahan namin siya sa fashion show ng ini-endorse niyang Sophie Paris Philippines sa Lucky Chinatown Mall.

Garden wedding ang gusto niyang mangyari at agree naman si John doon. At inamin niya na proposal na lang ang kulang sa mga panahong ito at date kung kailan talaga. Pero tinitiyak niya na hindi sa taong ito o next year.

“Imposible ‘yun. Gusto namin pero parang imposible.’Pag pinag-uusapan namin parang imposible talaga.

Bakit imposible? Kasi may kontrata?

“Oo..lalo na siya,” tugon niya.

Pero ramdam ba niya na si John na talaga?

“Oo. Iba , eh, hindi ko ma-explain. Mararamdaman mo, eh! Pero tingnan natin. Ayaw kong magsalita ng tapos,” aniya pa.

Tsuk!