Hiling na TRO ng kampo ni Lee tablado sa CA

BIGO ang kampo ni Cedric Lee na mapatigil ang pagdinig ng Department of Justice ) (DoJ), sa kinakaharap na kasong serious illegal detention and grave coercion na isinampa ng actor/TV host Vhong Navarro.

Ito’y matapos na hindi magpalabas ang Court of Appeals ng temporary restraining order (TRO) na hinihingi ng kampo ni Lee.

Sa halip, binigyang-pagkakataon ng CA ang DoJ Panel of Prosecutors at National Bureau of Investigation na maghain ng paliwanag hinggil sa petition ni Lee.

Sa isinulat na desisyon ni CA Associate Justice Leoncia R. Dimagiba,  kanyang inatasan si Prosecutor General Claro Arellano at iba pang respondent gaya ng panel of prosecutors at NBI, na magsumite ng paliwanag laban sa petition at supplemental petition sa loob ng sampung araw.

Nais din ng CA na pagsama-samahin ang kanilang mga argument kung bakit maaaring ipalabas ang hiling na temporary restraining order /writ of preliminary injunction prayed na kahilingan ay ipagkakaloob.

Maaari ring magsumite ng katugunan ang kampo ni Lee sa loob ng limang araw.

Ipinagpaliban din ng appellate court ang desisyon sa hiling na TRO/WPI ng grupo ni Lee.

Kabilang sa mga pumabor sa  resolution ay sina Associate Justices Ricardo Rosario at Mario Lopez.

Bukod kina Cedric Lee at Deniece Cornejo, dawit din sa krimeng serious illegal detention and grave coercion sina Bernice Lee, Simeon Raz, Jose Paolo Calma, Ferdinand Guerrero at Jed Fernandez. (leonard basilio)