2 empleyado ng city hall kulong sa rape

KALABOSO ang  dalawang kawani ng Navotas City hall nang kanilang ilabas sa selda ang  isang dalagitang inmate na kanilang paulit-ulit pinagparausan, sa Navotas city, iniulat kahapon.

Rape in relation to Republic Act 7610 ang kinakaharap ng mga suspek na sina Inri Moises Siochi at Ronald Jordencio, nakata-laga sa Task Force Disiplina (TFD) ng nasabing lungsod.

Sa ulat ng Women and Children Protection Desk (WCPD), mula 2:00 hanggang 5:00 a.m. kahapon, nang maganap ang panghahalay ng mga suspek sa biktimang itinago sa pangalang Asia, 15-anyos, kabilang sa Children in Conflict with the Law (CICL).

Ang dalagitang biktima ay  nasa pangangalaga ng City Social Welfare Development Office (CSWDO).

Sa pahayag nina  Rolando Patag at  Florante Batasol, kapwa bantay sa  selda, inilabas ng mga suspek ang dalagita dakong 2:00 a.m., para kausapin pero nakabalik ang biktima dakong 5:30 a.m.

Agad humingi ng tulong ang biktima sa mga awtoridad at kanyang isinalaysay ang kanyang sinapit sa kamay ng mga suspek sanhi para arestohain sina  Siochi at Jordencio.

(rommel sales)