Taulava mananatili sa Air21

SINIGURADO ng ahente ni Asi Taulava na si Sheryl Reyes na ang Air21 ay magiging huling koponan ng beteranong sentro sa kanyang paglalaro sa PBA.

Tatagal hanggang Agosto ng taong ito ang kontrata ni Taulava sa Express ngunit umaasa si Reyes na pipirma ang kanyang alaga ng bagong tatlong taong kontrata.

“Wala eh (feelers ngayon). Air 21 pa rin kami. And we’re happy how he is being treated there,” wika ni Reyes na ahente rin ng ilang mga imports sa PBA Commissioner’s Cup.

“Yung contract negotiation namin dito is long term, three years. Saka may plan for him ang Lina Group of Companies when he retires. We’re looking at security of tenure.”

Nakuha ng Air21 si Taulava mula sa Meralco noong isang taon pagkatapos na nanalo siya bilang MVP ng ASEAN Basketball League para sa San Miguel Beer.

(James Ty III)