Cavite-PNP sablay sa Rubie slay suspect

IPINAKIKITA ni PNP Cavite Provincial Director, Sr. Supt. Joselito Teodoro Esquivel, Jr., kay Cavite Governor Jonvic Remulla ang cartographic sketch ng isa sa mga itinuturong gunman sa pagpatay kay Remate reporter Rubie Garcia, sa PNP Cavite Provincial Headquarters sa Imus, Cavite. (JERRY SABINO)

DINAKIP ng mga awtoridad sa Cavite ang isang lalaki kaugnay sa pagbaril at pagpatay sa mamamahayag na si Rubylita Garcia, ngunit nang iharap ang suspek sa mga kaanak ng biktima, sinabi nilang hindi iyon ang pumaslang kay Garcia.

Nauna rito, inaresto ng Cavite police ang 23-anyos na si Aaron Cruz, inakalang pumatay kay Garcia, correspondent ng pahayagang Remate.

Ngunit mismong anak ni Garcia ang nagsabing hindi si Cruz ang pumatay sa kanilang ina.

Naglabas na ng bagong artist sketch ng suspek ang mga awtoridad.

Bunsod nito, tuloy ang manhunt operation para matunton ang suspek at ang mastermind sa krimen.

Si Garcia ay binaril ng hindi nakilalang suspek sa kanyang bahay sa Bacoor, Cavite nitong nakaraang linggo.

(LANI CUNANAN)