HATAW! D'yaryo ng Bayan hatawtabloid.com
HINDI pa rin maiwasan ni Selena Gomez ang ‘charm’ ni Justin Bieber.
On-and-off ang bituin ng Spring Breakers at 20-taong gulang na bad boy simula ng 2010, subalit natsitsismis na muli na naman silang nagdi-date matapos na mag-post si Justin ng video na kung saan nagsasayaw ang dalawa sa saliw ng John Legend sa Instagram.
Kamakailan ay nagkaroon ng ilang problema sa batas si Bieber, kabilang na ang pagkakaaresto niya sa Miami at sanhi ng pinsalang umaabot sa US$20,000 sa taha-nan ng kanyang kapitbahay.
Napagalaman din na nagpa-rehab ng dalawang linggo si Selena para maresolba ang ilang personal na isyu, habang isinisisi naman ito ng ilan sa magulong relasyon niya kay Justin.
“Nahulog si Selena sa ‘charm’ ni Justin at muli na naman silang hindi mapaghihiwalay,” pagbubulgar ng isang source sa British magazine na Star.
“Kahit hindi sila magkasama ay nagte-text sila at nagtatawagan, pero naging brutal ang mga kaibigan ni Selena sa kanilang mga opinion,” dagdag nito.
“They’ve told her in no uncertain terms that they think she should keep well away from Justin – they all think he’s bad news.”
Ang isa sa mga kumokontra sa pagsasamang muli ng dalawa ay ang 24-anyos na pop star Taylor Swift.
Gayun pa man, sa kabila ng mga tsismis na nagbalikan nga ang dalawa, itinanggi ni Taylor na pinutol niya na ang komunikasyon nila ni Selena at sinabi pang ‘nakababatang kapatid’ ang turing niya sa kaibigan.
Kinalap ni Tracy Cabrera
