HATAW! D'yaryo ng Bayan hatawtabloid.com
ni Ed de Leon
ANG bilis talaga ng panahon. Isipin ninyo iyong anak ni Gretchen Barretto na teenage star lamang noong araw, at iyong anak din ng yumaong si Miguel Rodriguez ang siyang ipinakilala ngayong mga endorser ng bagong inilabas na whitening lotion. Iisipin mo bang sina Gretchen at Miguel ay mayroon nang mga anak na ganoon kalaki?
Roon din sa launching na iyon, naroroon ang actor na si Richard Gomez, kasama ang anak na si Juliana, na 13 years old na rin pala. Kaya nga binibiro si Goma, paaano kung ang anak niya ay biglang may makilalang lalaking kasing pogi niya, ano ang gagawin niya? Nagtawa na lang ng malakas si Goma sabay sabing “siguro iiyak ako”.
Ang bilis talaga ng panahon. Isipin ninyo iyong mga bata pa noon, mga binata’t dalaga na rin ang mga anak ngayon. At sa showbusiness hindi mo maitatago ang ganyan, dahil tiyak iyon may kukuha nga sa mga anak nila para gawin ding artista o commercial models kagaya nga nina Dominique Cojuangco at Sam Rodriguez.
