HATAW! D'yaryo ng Bayan hatawtabloid.com
LASOG ang katawan ng isang empleyado ng Dapartment of Energy at isa pang lalaki nang masagasaan ng tren sa magkahiwalay na lugar sa Maynila, iniulat kahapon.
Ang unang biktima, naputol ang magkabilang hita ay kinilalang si Ricardo Balanque, walang trabaho, ng 1931 Macopa St., Kahilom 1, Pandacan, habang ang ikalawa ay kinilalang si Jordan de Jesus, 21, empleyado ng Department of Energy (DoE), residente ng 960 Valdez St., Sampaloc.
Sa ulat ng pulisya, dakong 6:30 a.m., naglalakad si Balanque sa gilid ng riles nang mahagip ng rumaragasang tren sa bahagi ng riles ng PNR sa Pres. Quirino Ave., Pandacan.
Sa ikalawang insidente, dakong 8:30 a.m., naganap ang pagsalpok ng tren kay De Jesus malapit sa G. Tuazon, Sampaloc.
Nabatid na tumatawid si De Jesus sa riles ng tren na hindi nalaan para sa pedestrian nang mahagip ng magkasalubong na tren.
(leonard basilio)
