HATAW! D'yaryo ng Bayan hatawtabloid.com
BAGUIO CITY- Patay ang dalawa katao habang lima ang sugatan sa pagkahulog ng isang van sa bangin sa Camiling, Loakan, Itogon, Benguet.
Kinilala ang mga namatay na sina Reynaldo Paz at Tita Saguid habang sugatan sina Cirilo Blas, Eunice Blas, Aries Blas, Carmela Paz at Mika Rufino.
Ayon kay Senior Supt. Rodolfo Azurin Jr., Provicial Director ng Benguet Police Office, nagmula ang nasabing sasakyan sa lungsod ng Baguio at patungo sa bayan ng Kabayan, Benguet nang mahulog ito sa 100 metrong lalim ng bangin sa nasabing lugar.
Dagdag pa niya, agad naisugod sa pagamutan ang mga biktima ngunit nahirapan silang i-rescue ang isang lalaki dahil sa pagkaipit sa loob ng sasakyan.
Inaalam pa ng pulisya ang dahilan ng pagkahulog sa bangin ng nasabing sasakyan. (DANG GARCIA/BETH JULIAN)
