HATAW! D'yaryo ng Bayan hatawtabloid.com
PATULOY ang pakikipag-ugnayan ng Philippine security forces sa Malaysia, kaugnay sa ulat na natukoy na ng Malaysian police ang kinaroroonan ng mga dinukot na Filipina at Chinese tourist mula sa Singamata Reef resort sa Semporna, Sabah noong nakataang linggo.
Ayon kay Western Mindanao Command chief, Lt/Gen. Rustico Guerrero, patuloy pa ang kanilang paggalugad sa lugar na pinaniniwalaang pinagtataguan ng mga kidnapper.
Una rito, napaulat na posibleng grupo ng Abu Sayyaf ang nasa likod ng panibagong kaso ng abductionsa Sabah.
“So we cannot categorically state that a particular group is holding the two victims in a specified place,” ayon sa opisyal.
Kaugnay nito, sinabi ni Eastern Sabah Security Command director general Mohammad Mentek, buhay at maayos ang kalagayan ng mga biktimang sina Gao Huayan at Marcelita Dayawan.
Sinabi ni Mentek, natukoy na nila ang lokasyon ng mga bihag maging ang pagkakilanlan ng Abu Sayyaf group na siyang may hawak sa mga hostage.
Isa aniya sa mga kidnapper ay sangkot din sa pagdukot sa babaeng Taiwanese noong Nobyembre ng nakaraang taon sa Pom Pom Island.
Ang iba pa niya ay sangkot din sa pagdukot sa 21 katao sa Sipadan island noong 2000.
