Grade 5 pupil nilamon ng enkantadong ilog

RIZAL – Sa kabila ng pagbabawal ng mga awtoridad na maligo sa enkantadong ilog ay hindi napigilan ang grade 5 pupil sa pagpuslit at naligo na naging dahilan ng kanyang kamatayan sa Antipolo City kamakalawa ng hapon .

Kinilala ni Antipolo PNP chief, Supt. Arthur Masungsong ang biktimang si Allan Rubia, 11-anyos, nag-aaral sa Bagong Nayon Elem. School at residente ng Brgy. Sta Cruz ng nasabing  lungsod.

Nalunod ang biktima dakong 3 p.m. sa tinaguriang enkantadong ilog sa Sitio Bibit, Brgy. Bagong Nayon, Antipolo City.

Naliligo ang biktima kasama ng kanyang mga kaibigan nang sumpungin ng sakit na epilepsy na naging dahilan ng kanyang pagkalunod.

Nabatid na hindi ito ang unang pagkakataon na may batang nalunod sa enkantadong ilog dahil sa patuloy na pagbabalewala sa pagbabawal ng mga awtoridad.

(MIKKO BAYLON)